Fidela Magpayo

nuong bata pa ako, hate na hate ko ang tanghali. lagi kasi akong pinapatulog ng tiyahin ko dahil kailangan daw yun para lumaki. kaya naman pagkatapos ng tanghalian, paiinumin na ko nun ng pinitpit na bawang (bitamina daw para sa puso) at pahihigain.

duhhher? buti naman at hindi ako na-Rico Yan nun dahil busog na busog pa ako eh patutulugin na ako ng tanghali! azar dahil hindi manlang ako makasilay sa long jet-black hair ni Randy Santiago at sa magandang mukha ni Tina Revilla tuwing Lunch Date!

kaya naman para mas lalo daw ako makatulog, bubuksan na ni Tita ang radyo sa DZRH. unti unti na akong aantukin sa malamyos na tinig "Akong Inyooooooooooong Tiya Deeeeeeeeeeely" na susundan naman ng "Ang Tangi Kong, Phag-Ibhig"

bata pa lang ako ay exposed na ako sa mga buhay mag-asawa na nangangaliwa, iniwan ng boypren, bading na mister, killer na misis, byenang mangkukulam at rapist na tuyuhin.

"wag mo kong sasaktan Rodrigo, dahil kapag ginawa mo yon, isasaksak ko ang hawak kong kutsilyo na matulis at mahaba!"

"Darling? kumain ka na? halika na at kumain na tayo ng mamula-mulang letchon at umuusok pa sa init na kanin!"

"Antonia... Tu..Tulungaaan Mmo akkko... Hiiinddi akkko makkkahingggah... bummmabagsak nnna akkko ngaaayon sssa sahig... pummipikiit na annnnng mmmata kooo. mmma mmamatay naaa akkko. pppatay na akko nnngayon attt uunti uuunti ngg lllumalamig attt ttumittigass anng katawwwan kkkko..."

"Walanghiya ka Preng Karding! uuubusin ko ang lahi mo! tumakbo ka na! takboooo! hinahabol na kita ngayon at maaabutan na kitaa! teka nadapa ako pero nakatayo na ako at maabutan na kita!"

ganyan ang mga drama sa radyo. dahil sa hindi mo napapanood ang eksena, ipaparamdam sayo ng mga dubbers ang emosyon ng bawat linya sa pamamagitan ng pag dedescribe.

OA pa sa exagg na description dahil ultimo patak ng luha ay sasabihin kung sa kanang pisngi ba o sa kaliwa babagsak.

pero lahat ng yan ay sinulusyunan ng ating Tiya Dely.

Fidela Mendoza Magpayo sa tunay na buhay. kung gusto nyo mabasa o malaman ang kanyang buhay, go ka dito.

Noong lunes, sa ganap na alas-sais kinse oras, hatid sa inyo ng alaska full cream powder. mabibili sa mga suking tindahan, nationwide ng umaga, pumanaw ang beteranang tagapayo ng lahat sa edad na walumpu't pito.

ang kabuuan ng balita, mababasa mo ng mainit init pa dito.

sa mga pamilya at kaibigan, nakikiramay ang sambayanang pilipino.

hanggang sa muli para sa idolo ni Charo Santos, Joe D' Mango, Helen Vela, at Mel Tiangco!