Who U?

"happy birthday"

--text ni Myk2ts

si Kaius ay naging kabahagi ng aking buhay estudyante nung kolehiyo. 2nd year ako ng makilala ko siya at nasa 3rd year naman sya.

Mark Kaius Esguerra. masyadong patok ang pangalang yan sa unibersidad. nagulat na lang nga ako ng ako na lang pala ang hindi nakakakilala sa kanya, Human Biology student ang mokong, auditor pa ng COSSC (College Of Science Student Council), Birthday din nya ngayon.

hindi naman naging mahirap para saakin ang makilala siya dahil sa napili akong maging committee ng block namin ng minsang nakipag daldalan ako sa isang prof na adviser pala nila sa council nung taon na yun. dahil wala naman akong hiya-hiya sa katawan nuon, aba, grab agad ng opportunity ma expose sa council-landia.

syempre, meeting muna ng lahat ng com bago isabak sa trabaho ng council. eto na! am i ready to live the student-politician life?

hindi ko naman alam na more on alila tasks ang gawain ng com's, pinagandang PA lang ata o kaya naman ay susyal na chimay ng EB (Executive Board)

pero lahat ng iyon ay aking ginampanan ng may ngiti saaking labi dahil sa masilayan ko pa lang ang kanyang labi, tanggal na ang aking pighati.

makarisma sa tao si Kaius, bonus na lang ang looks. kapag nagsalita na siya, di mo mapipigilang humanga. hindi sa pisngi at hugis ng mata kundi sa talas ng kanyang kaisipan.

kaya naman ginalingan ko talaga ang pagtatrabaho sa council.

kahit minsan hapit na sa schedule, batak parin.

tutal nagagawa ko naman ng maayos ang mga requirements ko sa acads, kaya pag freetime, instead na kumain at rumampa, subsob na ako sa trabaho sa opisina.

"Myk2ts, gusto mo ba tumakbo next year?"
--Kaius

hindi naman ako ganun kabihasa sa kung anu-anong pasikot sikot sa pulitika. aaminin kong hindi ako marunong pumulitika at mamulitika. makapal man ang mukha ko makihalubilo sa mga taong kakaiba, pero pagdating sa ganoong bagay. aaminin kong hindi ako ganun katibay.

hindi madaling sikmurain ang pulitika. kahit na sa eskuwelahan pa lang. paano na kaya sa totoong laban?

" Wag kang mag alala, ituturo ko lahat ng dapat mong malaman "
" Gusto ko kasi, ikaw ang humawak ng posisyon ko "

sabay ngiti ng pagkatamis-tamis.

daig ko pa ang langgam na takaw na takaw sa asukal na ngiti. anu ba yun? ok ok ok agad ang sagot ko.

hanggang sa pinalad naman akong makaupo sa pwesto. hindi man naging madali saakin ang trabaho ko bilang dating posisyong hawak nya, tinuruan nya ako.

ang paghanga ay napalitan ng pag tingala.

nawala ang anumang kahibangan at naging purong magkaibigan lang ang aming tinginan.

barkada na kahit saan magkita, nag uusap, nagkakamustahan at nag tatawanan. sabay kakain at tabing natutulog. katulong sa hirap at kahati sa kasiyahan. kasama sa lungkot, at kabalikat sa tagumpay.

kaya ngayong araw na ito, excited ako dahil sa mahabang panahon, hindi ko nakausap at nakasama ang kaibigan ko.

kaya tinext ko sya.

naluha ako sa reply...

"who's this?"
--reply ni Kaius