Pusa

MAHILIG AKO SA HAYOP. hindi yung HAYOP na umahas ng boypren mo, o bumastos sa gelpren mo. hayop as in pet. aso, pusa, kuneho, bird(ie?) at kung anu-ano pa.

NATATANDAAN KO PA noong highschool ako, pag nanganganak yung pusa namin na ang pangalan ay Bianchie, lagi akong nasa tabi nya. pag lalabas na ang kanyang supling, mag ngingingiyaw na yun at paikot-ikot na sa aking binti. syempre, feeling duktora/hilot, eh ititihaya ko ang pusa namin sabay opera sa tyan nya. sinasabihan ko rin ng "push miming, push!"

LALABAS NAMAN NA ang kuting (KITTEN) sa kanyang alam mo na. nakapikit ang kuting (KITTEN) na akala mo ay sanggol. kakainin ni inang pusa ang inunan at unti-unti ng makakahinga ang kanyang supling at mararanasan na nito ang mabuhay ng bonggang-bongga sa mundong ibabaw.

UULITIN KO LANG ANG PROCESS na yun hanggang lumabas lahat ang anak ni Bianchie. minsan umaabot ng trese ang kuting (KITTEN). minsan naman mga walo o siyam lang. maghahanda na ako ng karton at lalagyan ko ng lumang kumot para sa mga sanggol. este mga kuting (KITTEN). dun na sila aalagan ng mudrang pusa at huhubugin kung paano maging isang mabuting pusa. tuturuan ng magandang asal tulad ng hindi pag nanakaw ng pritong bangus sa mesa, tamang pag uugali tulad ng pag-ihi sa malayong lugar (napaka baho ng ihi ng pusa. as in!) at ng pagsisinop sa bahay, tulad ng hindi pagkalmot sa mga upholstered na upuan.

SA SOBRANG GILIW KO SA MGA pusa, nakikipag-laro ako sa kanila. ang paborito naming laruan ay yung walis tingting na may nakataling pisi. hahabul-habulin yun ng mga kuting at para bang tuwang tuwa sila sa kanilang kabataan. tatakbo, tatalon, ngingiyaw, at ang paburito ko sa lahat, yung tataba ang buntot nila na para bang birdieng galit.

PERO SA LAHAT NAMAN ng pusa, eto ang pinaka warla. as in. kung bakit? ikukuwento ko ng walang halong biro.

PALAKAIBIGAN AKO. MAGILIW. in short, marunong ako makibagay. kahit kaibigan ng kaibigan ko na hindi ko naman kaibigan, kinakaibigan ko. mabilis akong magtiwala at magmahal ng kaibigan. naapektuhan din ako kapag hindi kami bati ng mga kaibigan ko.

PERO MAY MGA PAGKAKATAON na umaabot sa dulo ang pisi ng pagtitimpi ko. napipikon din ako. nagagalit. naiinis.

LALO NA AT HINDI KO NAMAN SIYA KILALA.

HINDI KO MAINTINDIHAN KUNG BAKIT nagagalit saakin ang isang tao na hindi ko naman lubusang kilala. ni hindi kami pormal na napakilala sa isa't-isa. nagkataon lang na karelasyon siya ng isang kaibigan kaya alam ko ang pangalan niya.

AT SA ABOT NG AKING ALAALA, WALA AKONG ginagawang masama sa kanya. kaya ako naapektuhan ng malaman ko na abot langit ang galit nya sa aming mga kaibigan ng jowa nya. mahirap yung alam mo na may taong galit sayo dahil alam mo rin na wala kang kasalanan. nakakainis marinig ang lahat ng patutsada at talak ng isang tao na ni hindi mo nakausap manlang sa personal.

KUNG MERON SIYANG PROBLEMA sa akin, pwede nya akong kausapin. dun nya sabihin lahat ng galit nya. in my face. kung gusto naman nya, pwede nya akong sabihan kung saan at kailan dahil hindi ko siya uurungan. ako yung tipo ng tao na papatol kung kinakailangan para maturuan ng leksyon ang mga UNGGOY na nagpapanggap na TAO. hindi yung patalikod ko malalaman lahat ng hinanakit nya. lahat ng galit nya na wala namang basehan.

PARA SA IYO. KUNG MABASA MO MAN ITO. KUNG may problema ka, andito lang ako. kausapin mo ko. kung gusto mo din naman, awayin mo ko. kahit ano game ako. inisip ko na wag ka ng patulan at pag aksayahan ng panahon, pero ang tulad mo ay dapat matuto ng leksyon.

"Kung saan, kalian at paanong paraan, magpasabi ka lang, hindi kita uurungan."

--Sharon Cuneta, DAPAT KA BANG MAHALIN?